علاجات البرد و الإنفلونزا

الأم : يا دَاكطور حمادة
حماده : يا ساتر يا رب .اللهم ما أجعله خير. دَاكطور. ايه البشاعة دى . شوهتوا الكلمة و المجال الصحى كله
أم حماده : إنت يا واد يا دَاكطور
حماده : خلاص يا ماما ، بلاش تقوليلى دكتور ، قوليلى أى حاجة ، قوليلى يا زكريا ، بس بلاش دَاكاتور دى عشان خاطرى
أم حماده : تعبانة يا ولا البرد مبهدلنى
حماده : سلامتك يا ستى اللى هاقولهولك ده هايريحك جداً
أم حماده : قول يا سبع البرمبه
حماده : علاج البرد محتاج راحة و شرب سوائل كتير
أم حماده : طب و الادوية يا فالح
حماده : أدوية البرد و الكحة بتقلل الأعراض بس ما بتقضيش على المرض
يعنى الكبار و الاطفال اعراضهم هتتحسن بس مش هتسرع الشفاء
و خدى بالك الادوية دى بتتصرف عادى فى الصيدليات للاطفال اللى تحت ست سنوات بالرغم ان ده لا يُفضل و بالتالى الكلام مع الطبيب واجب فى الحالات دى حتى و إن كان الدوا المستخدم مصرح به للاطفال . ده مهم جدا لان بعض الادوية دى ممكن تكون غير فعالة مع الطفل و تسبب له اعراض جانبية خطيرة
أم حماده : أحسن حاجة اضربلى بورشامتين مضاد حيوى؟ صح؟
حماده : بورشامتين ؟! أضربلى ؟!
ايه اللغات الحيه دى ؟!
لا مينفعش طبعاً، المضادات الحيوية مش مفروض تستخدم فى البرد العادى. لانها مش هتساعد بل على العكس ممكن تضر الحالة.
البلغم الأصفر أو الأخضر بيظهر مع البرد بعد كام يوم و مش مؤشر إن الواحد لازم يستخدم مضاد حيوى زى ما كتير فاهمين
لو البرد ما تحسنش بعد عشر ايام او إسبوعين ، هنا الدكتور ممكن يوصف مضاد حيوى
أم حماده : طب الأدوية الجديدة بتاعت البرد؟!
حماده : لو تقصدى مضادات الفيروسات الجديدة ، الأدوية دى ممكن تقلل الأعراض الخاصة بالأنفلونزا مش البرد العادى
أم حماده : طب شوربة الفراخ؟!
حماده : على فكرة بالرغم انى متأكد إنها جت معاكى كده ، بس فعلا شوربة الفراخ فيها تعتبر سوائل دافيه و الملح اللى فيها ممكن فعلا يساعد على العلاج و على فكرة من قرون و الشوربة بتستخدم للبرد
كمان فيتامين سى و الزنك
أم حماده : خش إطفى على الشوربة فى المطبخ
حماده : oh my god!!
أم حماده : هااااا!!؟
حماده : ولا حاجة ..بس افتكرى إنى صيدلى
أم حماده : صيدلى الندامة و الصدامة

الأعراض

الأم :آه آه آه اتشوووووووووو
يقطع البرد و سنينه !!
أبو حماده : مالك يا ام حماده
ام حماده : سيبوني فى حالى
ده أنا لو مكنه كان زمانى صعبت عليكوا
شايفنى تعبانة و بردانه و برضه مفيش رحمة
آه آه آه اتشووووووووووو
أبو حماده : سلامتك يا ست الكل
حقك علينا
تاعبينك دايما
اخبار المحشى إيه ؟
ام حماده : واد يا حماده ....
حماده : يا فتاح يا عليم يا رزاق يا كريم
نعم، أفندم ......توءمرينى أمر
ام حماده : مش تشوف أمك تعبانه ليه ؟ و لا انت خلاص بعتنى؟
حماده : سلامتك يا ستى
هو أنا مش فهمتك انك بردانه؟ أكيد اختى بطه عدتك
بس أختك عيانه من يومين تلاته
حماده : بالزبط كده الشخص بياخد من يومين لتلاته بعد ما يتعرض للفيروس وفى بعض الحالات الفيروس بياخد أسبوع عشان تظهر الأعراض.
ام حماده : و الأعراض دى بتبقى إيه يالا
حماده : يالا ؟!!!!!!
ام حماده : قصدى يا دكتور . على رأى المثل "الحس عالى و الفراش خالى"
حماده : الأعراض معظمها بيكون بالأنف زى احتقان الانف ، سيلان الانف ، حرقان الزور و العطس
ام حماده : طب ليه أنا معنديش سخونيه زى اختك ؟
حماده : الكبار و الأطفال الكبار عادة مبيجلهومش سخونيه مع البرد أو سخونيه بسيطة ام الطفال الصغيرين زى بطة غالبا بيجلهم سخونيه مع البرد ما بين ٣٧.٧ و ٣٨.٨ .
كمان بعض الفيروسات بتسبب كحة، فقدان شهية،صداع،وجع عضلات، تنقيط بالأنف كذلك....
ام حماده : خش المطبخ و اطفى ع المحشى عشان تلاقوا حاجه تاكلوها
حماده : يعنى أنا عمال اشرحلك المرض و أنتى تقوليلى اطفى ع المحشى
I am a pharmacist
أنا صيدلى
ام حماده : صيدلى الندامة و الصدامة

الأسباب و عوامل الخطورة

تررررن تررررن

الأم : الو

ميدو : أيوة يا طنط. ممكن أكلم حمادة؟

ام حماده : مين ؟ ميدو!!!!!

مش انت صاحبه اللي في كلية الطب؟

أيوة يا طنط

أم حمادة : مش كنت تنصحه يخش معاك بدل ما هو بايظ في كلية صيدلة

ميدو : متقوليش كده يا طنط .

ده دكتور صيدلى زي الفل

أم حمادة : صيدلى الندامة و الصادمة..... آه آه آه اتشووووووووووو

ميدو : سلامتك يا طنط

أم حمادة : الله يسلمك يا ميدو

اسكت ده البرد هيموتنى

ميدو : بعد الشر...

ممكن أكلم حماده بقى؟

ام حماده : سيبك من حماده و قوللى البرد ده بيجى ازاى ؟

ميدو : تعرفى يا طنط أن من الأسباب الأساسية لانتشار البرد هو الحضانات و المدارس و خاصة فى فصل الشتا

أم حمادة : على قولك يا خويا. البت بطة أخت حمادة كل يوم والتانى ترجعلنا بردانة من المدرسة و هات يا عطس و كحة

ميدو : مزبوط . أهى العدوى بتيجى من كده، فيروس يتنقل فى الرذاذ إللي بيخرج من بق الشخص اللى بيعطس أو يكح أو حتى بينفخه من منخيره.

أم حمادة : أخص عليكى يا بطة. بقى أنتى السبب فى اللى أنا فيه ده

ميدو : مش بس كده ..

ده كفاية أن الشخص يلمس عينيه أو منخيره أو بقه بعد ما يلمس حاجه ملوثة بالفيروس زى اكرة باب أو لعبة حتى!

بس على فكرة المريض بيكون معدى جداً اول يومين تلاته لكن بعد أسبوع بيبقى خلاص مش معدى

ممكن أكلم حمادة بقى؟

أم حمادة : لاهو أنا مقولتلكش

حمادة مش موجود

ميدو : you killed me slowly

ام حماده : و عليكم السلام و رحمة الله

ضربة الشمس

الأم : واد يا حمادة
الإبن : واد !!!
حمادة !!
نعم يا ماما
الأم : إلحقني يا ولا أنا بموت
الإبن : بعد الشر يا ماما . مالك بس؟!
الأم : مش عارفة مالي!؟
أنا كنت بره بجيب عيش و كنت واققة في الطابور و الشمس كانت حامية وبعدين تعبت أوي و روحت
مش عارفة مالى يا ولا
هو إنت مش دكتور؟!
إعملي حاجة.
الإبن : سلامتك يا ماما متقلقيش شكلك أخدتي ضربة شمس
الأم : قطع إيده اللي يمد إيده عليا
هو حد يستجري يضربني . ده أنا كنت أكلته
الإبن : مقصدش يا ماما . أنا أفصد إن الأعراض دي إسمها ضربة شمس أو hyperthermia
الام : مش فاهمة حاجة يا ولا
عاملي فالح أوى فى الإنجليزي
كنت دخلت كلية طب بدل ما إنت فاقد في صيدلة
الإبن : mammy please stop it
الأم : إنت عايز تفرسنى !!!؟؟؟
الإبن : بصى يا ماما دلوقتي لاحظي الأعراض هتلاقي إنك مصدعة و جلدك أحمر وناشف و حرارتك عالية و ممكن تحسي إنك عايزة تتقيأي أو تحسي بمغص أو يجيلك إسهال . و يمكن يغم عليكى فى بعض الحالات.
الأم : إنت عرفت إزاي يا ولا ؟!  ده نفس اللي عندي
الإبن : didn't i told you
الأم : بطل تتكلم و قوللي أعمل إيه دلوقتى؟
الإبن : بسيطة خالص.
خدي دش بسيط و إرتاحي و عوضى السوائل اللي فقدتيها
و لما تنزلى تانى تجنبى الأماكن الحارة و أشعة الشمس و إلبسي ملابس فاتحة و خفيفة
الأم : طب و العيش أجيبه إزاى دلوقتى؟
أقولك إنزل هاته إنت بطل ما إنت بتذاكر ليل نهار
صيدلى الندامة و الصدامة

ما تود معرفته عن عقار الكلاريتين

الأم:واد يا حمادة
الإبن:دكتور حمادة لو سمحتي
الأم:واد يا دكتور حمادة
الإبن:آخخخ
نعم... أفندم ...
الأم:مش تيجي تقولي الدوا ده بتاع إيه
مش صيدلي إنت برضه ولا تمرجي
الإبن:صيدلي مع الأسف
وريني كده
آه.. ده كلاريتين
الأم:و أنا هعمل إيه بإسمه؟!
بتاع إيه ده
الإبن: بتاع إيه!!
شوفي يا ستي ده دوا بيتوصف لحالات الحساسية المصاحبة لحالات بتسمي hay fever ( حمي القش) أو حتي المصاحبة لحالات عدوي الجهاز التنفسي
الأم: هه!!!!!؟؟؟؟؟
الإبن:يعني بيقلل أعراض زي المناخير السايبة
الحكة ؛ الهرش يعني، العين المدمعة ، لو زورك أو مناخيرك بتاكلك مع البرد برضه هيساعد
الأم:طب له تأثير علي الكلي و لا الكبد
الإبن: لو تعبانين لازم الدكتور يظبط الجرعة
حالات نادرة برضه ممكن يبقي عندها حساسية من الدوا ده
و خدي بالك من الجرعة
عادة 5 مللي جرام كل 12 ساعة كفاية أو 10 مللي جرام مرة واحدة في اليوم
الأم:طب ليه الدكتور مكتبليش فينيستيل ولا زيرتك
الإبن:عشان دول بيسببوا النعاس لكن الكلارتين لأ
الأم: طب خالتك حامل
ينفع تاخده
الإبن: خالتو فكيهة ممممم...
لازم تستشير دكتور
الأم:شفت ده أخرك..
صيدلي..
مش لو كنت دكتور دلوقتي كنت قولتلنا
صيدلي الندامة و الصدامة

-->

ما تود معرفته عن الحساسية

الأم: واد يا حماااادة 

حمادة: يا فتاح يا عليم يا رزاق يا كريم ...نعم يا ماما 

الأم: الدكتور قاللي إني عندي حساسية..ها ها ها  أتشوووووو 

الإبن: سلامتك يا ست الكل  

الأم:مش كنت دخلت كلية الطب بدل ما إنت مش فاهم حاجة كدة 

الإبن : ليه بس يا حاجة..ما أنا دكتور برضه بس في كلية صيدلة 

الأم : يعني إيه حساسية يا ولا ؟ 

الأبن : الحساسية يا ست الكل إن جسمك يبقي حساس من حاجات عادية جدا و يحاول يطردها  

الام:يعني إيه يا ولا أنا مش فاهمة  

الإبن: بصي يا ماما ..عارفه التراب...التراب العادي بتاعنا ده؟ 

الأم : تراب إيه يا ولا ؟! 

الإبن : التراب الي في الأرض ده.

ممكن الجسم يتحسس منه و زيه حاجات تانية كتير وده بيبقي إسمه المحفز ده ممكن يسببلك أعراض زي العطس الهرش عينك تدمع مناخيرك تسيب 

الأم: و إيه تاني يا ولا؟  

الإبن: عندك محففزات تانية كتير زي شعر الحيوانات في البيوت حبوب اللقاح اللي بتبقي في الهوا في الربيع أنواع من الفطريات...كده يعني 

الدكاترة بتوع كلية الطب...هه 

بيسموا الأعراض دي allergic rihinitis أو حساسية الأنف 

الام: أهوا ده اللي إنت فالح فيه 

ترطنلي بالإنجليزي ليل. و نهار 

الإبن : أي خدمة 

الإبن : معلومة تانية عشان خاطرك 

في نوع من الحساسية يسموه الحساسية الموسمية. 

دي بقي نتيجة حركة حبوب اللقاح في الجو و تزيد أو تقل مع كمية الحبوب في الجو و تتأثر بحركة الطقس 

الأم: إنت هتقلي ما إنت كنت قارفنا و إنت صغير 

كل ربيع منخيرك تسيب و تعطس 

تاعبني من و إنت صغير 

الإبن : طب إسمعي الحته دي في نو تالت إسمه perennial or chronic rinitis 

التحسس المزمن 

ده بيجي عند بعض الناس و بيفضل طول السنة نتيجة التراب. شعر الحيوانات الأليفة بعض الفطريات ده حتي ممكن يجي من بيض الصراصير 

الأم :فكرتني يا و لا .. إنزل هات بودرة صراصير من كشك عمك سراج البقال ... أتشوووو.. 

آه يا آبااا 

صيدلي قال...!! 

صيدلي الندامة و الصدامة ...أتشوووووو

معلومات عن عقار البنادول

لسنوات عديدة، وساعدنا البانادول في التغلب على الصداع وأشكال مختلفة  من الألم.

هل تعلم أن هذا العقار يستخدم منذ من ما يقرب من 100 عاما حتى الآن،

أنه من الجيد أن نعرف بعض المعلومات عن هذا الدواء

الأسم

بانادول هو اسم العلامة التجارية للباراسيتامول

يمكنك العثور عليه في الأسواق تحت أسماء أخرى عديدة من شركات أخرى

هناك خطأ شائع  أن الناس تأخذ البانادول مع أدوية أخرى تحتوي على الباراسيتامول مما يتسبب لهم في  أخذ جرعة زائدة ، لذا يجب الحذر

الأستخدام

يستطيع أن يقلل الألم  كما هو الحال في الصداع واوجاع الاسنان والتهاب الحلق ... الخ  بالإضافة إلى أنه يمكن أن يقلل من الحمى.

كيف يعمل؟

ببساطة من خلال خفض إنتاج البروستاغلاندين( مادة الألم  التي يتم إنتاجها داخل الجسم مادة وزيادة الإحساس بالألم لدينا)

أنه يقلل من الحمى عن طريق العمل في بعض المواقع داخل الدماغ المسؤولة عن تسبب الحمي

ملحوظة هامة

 البانادول لا يساعد في الحد من التهاب عكس الأسبرين

تحذيرات

اتخاذ جرعة زائدة من البانادول  يمكن أن يضر كليتك وكبدك

لذلك، ألتزم دائما بتعليمات النشرة الخاصة بالجرعة المسموحة

يمكن أن الكحول يزيد من التأثير السلبى للجرعة الزائدة

انه من النادر العثور على شخص لديه حساسية من البانادول ولكن هناك بعض الناس الذين قد تكون لديها هذه الحساسية

في حال لاحظت أي حساسية لديك من البانادول كطفح جلدي على سبيل المثال، يجب إيقاف الدواء، وإبلاغ الطبيب أو الصيدلي فورا

الحمل والرضاعة

يقول الأطباء عادة أن البانادول آمن للأمهات الحوامل والمرضعات

كيف تجد هذه المعلومات؟

جميل أن نسمع منك عن تجربتك.

-->

What you must to know about Panadol ?

For many years , Panadol helped us overcoming our headaches and our different forms of pain.
Did you you know that it's almost 100 years now,  since this product started being used?
It's good to know some info about this drug

Name
Panadol is the brand name for Paracetamol
You can find it in markets under several other names from other companies
There is even a common mistake that people take panadol with other drugs containing paracetamol causing Themselves an overdose, so be cautious

Uses
It can reduce your pain attacks as in headache and  toothaches and sore throats ...etc plus it can reduce Fever.

How it works?
Simply it reduce the production of the pain substance Prostaglandin ( that substance is produced inside the body and Increase our pain sensation )
It reduces fever by acting in certain sites inside your brain responsible for making you feverish

OOPS!!
Yet , panadol will not help in reducing inflammation like Aspirin

Warnings
Warnings are always correct about taking overdose from panadol since this can harm you kidney and liver
So , always comply with the leaflet instructions about that
Alcohol can increase the severity of the overdose if it happens
It's rare to find someone allergic to panadol yet there is some people who may be allergic to it
In case you noticed any allergy to the panadol as skin rash for example , stop the medicine and inform a Pharmacist or a doctor at once

Pregnancy and lactation
Doctors usually says that panadol is safe for pregnant and lactating mothers

How do find this info?
Nice to hear from you about your experience.